Takk fyrir síðast allir saman, það var rosa gaman að hitta ykkur öll.
Við lentum í heljarinnar vindhviðu kasti á leiðinni heim og bíllinn bara hentist til á hinn vegarhelminginn, verð að játa að hjartað sló örlítið hraðar hjá mér og mínum. Vildi bara hvetja sem flesta að setja inn myndir hér, ég tók td. engar myndir sjálf og væri gaman að sjá eitthvað af þeim sem þið tókuð.
( er ekki hægt að vera með sér myndasíðu hérna ? )
kveðja, Pálína
haha ok, ég er þá ekki sú eina sem gat varla rétt úr fingrunum á leiðarenda…ég hélt svo fast um stýrið….lallandi yfir þessa heiði á 40 km hraða hugsandi um það ef ég færi útaf hvort að það væri símasamband eða hvað!!
Kv. Linda
By: Linda Ýr Ægisdóttir on 14. júlí 2008
at 21:18
Við Lilja ókum norðanvert Snæfellsnesið eftir hádegi á sunnudeginum. Fengum alveg þokkalegt veður með hægum vindi og rigningarskúrum. Áðum í Stykkishólmi og hresstum okkur í heita pottinum í sundlauginni þar áður en við héldum aftur af stað. En vegurinn frá Stykkishólmi að Búðardal er ónýtur. Eins og þvottabretti nánast alla leiðina.
Ég hef veriið að spá í myndasíðu. Þetta blogg kerfi er ekki gert fyrir myndagallerí en það er hægt að skoða aðra möguleika. Fyrst um sinn væri hægt að búa til síðu, eins og skráningarsíðuna og safna öllum myndum þar.
Læt vita þegar ég hef skoðað þetta betur.
kv.
Bjarni
By: Bjarni Á on 15. júlí 2008
at 13:51